Россия президенти Владимир Путин ўтказилган матбуот анжумани Россия ичкаридан парчаланиш хавфи борлигини айтди. 

Бу ҳақда Путин мухолифатчи Алексей Навалний ва «хорижий агентлар» бўйича саволга жавоб бераётиб гапирган. Доимгидай, у Навалнийнинг исмини айтмаган. 

«Россияни мағлуб етиб бўлмайди, уни фақат ичкаридан йўқ қилиш мумкин. Бу Биринчи жаҳон урушидан кейин ва 1990 йилларда содир бўлди. Уни ким қилди? Бошқа одамларнинг манфаатларига хизмат қилганлар. Сиз (BBC мухбири Пётр Козлов назарда тутилмоқда) заҳарлангани айтилаётган одам (Навалний назарда тутилган—таҳририят) ҳақида гапирдингиз. Мен шахсан Франсия президенти, Германия Федератив Республикаси канцлеридан сўрадим: ҳеч бўлмаганда заҳарланишни тасдиқловчи материалларни беринг. Бу «Новичок» ёки бошқа нарса эканлиги ҳақида бирон бир материал йўқ.

Мутахассислар бориб, намуна олишларини, жиноят ишига асос топишни таклиф қилишди. Йўқ. Нол. Келинг, бу саҳифани ёпамиз.

Ҳар бир мамлакатда маҳбуслар бўлган ва бўлади. Жиноят қилиб, сиёсат орқасига яширинишнинг ҳожати йўқ»,— дейди Путин.

«Хорижий агентлар» ҳақидаги саволга жавоб бераркан, Путин бу аслида АҚШ тажрибаси эканини таъкидлаган.