Қатар Volkswagen компаниясининг Исроил билан ҳамкорлик қилишига йўл қўймади
Қатар Яқин Шарқда кескинлик кучайишига қарши ва бунинг чораларидан бири сифатида Германия ҳарбий техникасини Исроилга етказиб бериш жараёнига тўсқинлик қилмоқда. Бу ҳақда Bloomberg хабар берди.
Қатар давлат инвестиция жамғармаси (Qatar Investment Authority) Volkswagen (Германия) компаниясининг учинчи йирик акциядори ҳисобланади. Volkswagen Исроилнинг Rafael компанияси билан ҳамкорлик қилиб, «Темир гумбаз» (Iron Dome) ҳаво мудофаа тизими учун бутловчи қисмлар ишлаб чиқаришни таклиф қилган эди.
Бироқ Volkswagen акцияларининг 10 фоиздан ортиғига ва овоз бериш ҳуқуқининг 17 фоизига эгалик қилувчи Қатар унинг Исроил компанияси билан ҳамкорлик қилиш таклифига вето қўйди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter