НАТОга кўра, Кремлнинг иқтисодий имкониятлари унга урушни ҳозирги шиддатда камида 2027 йилгача давом эттириш имконини беради.

Айни пайтда НАТО Россия аллақачон ҳарбий ишлаб чиқариш чўққисига чиққани ва унинг ҳажмини янада ошириш имкониятига эга эмас, деб ҳисоблайди. 

 Шу билан бирга, АҚШнинг дипломатик саъй-ҳаракатлари томонларни ҳалигача тинчликка яқинлаштиргани йўқ, чунки Владимир Путинни фақат Россияга фойда келтирадиган қисқа муддатли келишувлар қизиқтиради, деди НАТОнинг юқори мартабали вакили Гаагадаги алянс саммитида. 

НАТО вакилларининг фикрича, Владимир Путин Украинадаги урушда ғалаба қозонаётганига ўзини ишонтирмоқда. 

Алянс расмийсининг сўзларига кўра, улар буни Кремл олаётган нотўғри разведка маълумотлари билан боғлиқ, деб ҳисобламоқда. 

Исмини очиқламаган НАТО амалдори Украина бир қанча вақтдан бери ўз жанговар бўлинмаларини кадрлар билан таъминлаш билан боғлиқ муаммолар борлигини ва давом этаётганини тан олди. Бу ҳақда Путин ҳам ўз чиқишларида тез-тез гапиради.

"Бу қанчалик муҳим - барчаси Украина бу борада нима қилишига боғлиқ. Улар нимадир қилишлари керак", - деди манба.