Россиянинг гипертовушли ракета ташувчи ҳарбий фрегати Саудия портига келди
Россиянинг гипертовушли ракета ташувчи «Адмирал Горишков» ҳарбий кемаси Саудия Арабистонининг Жидда портига келди. Бу ҳақда РИА Новости хабар бермоқда.
Қайд этилишича, «Адмирал Горшков» ҳарбий кемаси билан биргаликда «Кама» денгиз танкери Жидда портига кирган. Бу ерда улар ёқилғи, тоза сув ва озиқ-овқат захираларини тўлдириб олишади.
Россиянинг Шимолий флотига тегишли бўлган «Адмирал Горишков» фрегати жорий йилнинг январь ойида Североморскдан йўлга чиққан. Бу вақт ичида у Ҳинд океани ва Араб денгизида иккита халқаро ҳарбий машқларда қатнашган.
Маълумот учун, сўнгги бор Россия ҳарбий кемаси бундан 10 йил аввал Саудия портига кирган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter