Саудия Арабистонининг улкан осмонўпар шаҳар режаси боши берк кўчага кириб қолди
Саудия Арабистонининг «Кўзгули чизиқ» улкан осмонўпар шаҳар барпо этиш режаси боши берк кўчага кириб қолди, деб хабар берди The Wall Street Journal.
Гап шундаки, лойиҳанинг молиявий харажатлари кескин ошиб кетган. Тахминан 2080 йилда битказилиши кўзда тутилган «Кўзгули чизиқ» қурилишининг прогноз қилинган капитал харажатлари 8,8 трлн долларгача етган. Бу подшоҳликнинг йиллик бюджетидан 25 карра кўп дегани.
Лойиҳа аввалида осмонўпар шаҳарни чўл бўйлаб 160 км узунликда қуриш мўлжалланганди, бироқ кейинчалик буни уддалашга кўзлари етмай, режадан воз кечишди. Сўнгра осмонўпар шаҳарнинг 2034 йилда қурилиши якунланиши режаланган биринчи босқичини 16 километрдан 2,4 километрга туширишди.
Маблағларни иқтисод қилиш учун осмонўпар шаҳарнинг баландлигини ҳам режага нисбатан пастлатиш таклифи эса Саудия Арабистони валиаҳд шаҳзодаси ва бош вазири Муҳаммад ибн Салмон Ол Саудга ёқмади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter