Собиқ вазир ўрмонга миллионлаб евро пул яширгани аниқланди
Венгрияда собиқ Миллий тараққиёт вазири Миклош Сестакка қарши коррупция тергови доирасида қарийб 18 миллион евро нақд пул мусодара қилинди.
Активларни қайтариб олиш ва ҳимоя қилиш бошқармаси (NVVH) маълумотларига кўра, пуллар ўрмонзорлар, коммунал ва омборхоналар, турар-жой бинолари ва яширин сейфлардан топилган.
Агентлик маълумотларига кўра, тинтувлар икки кун давом этган. Бу вақт ичида терговчилар 5 миллиард форинтдан (тахминан 13,8 миллион евро), қўшимча 2,7 миллион евро ва 1,3 миллион долларни топдилар.
Мусодара қилинган барча маблағлар Давлат хазинасига ўтказилди.
Сестак пора олганликда гумон қилинмоқда. У 28 сентябрь куни парламент уни депутатлик дахлсизлигидан маҳрум қилганидан кейин ҳибсга олинган. Октябрь ойи охирида суд собиқ вазирнинг судгача бўлган ҳибс муддатини яна уч ойга узайтиришни буюрди.


Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter