Сурияда ягона ҳарбий ҳукумат тузилади
Сурияда ҳокимиятни қўлга киритган мухолифат гуруҳлари ягона ҳарбий ҳукумат тузиш ниятида, бу ҳақда РИА Новости ўз манбаларига асосланиб хабар берди.
Барча ҳарбийлашган гуруҳлар ва мухолифат бирлашмаларини тарқатиб юбориш ва уларни ҳарбий амалиётлар бошқаруви остида бирлаштириш зарурияти муҳокама қилинмоқда, дейилади хабарда.
Эслатиб ўтамиз, 8 декабр куни мухолифат кучлари Дамашқни эгаллади. Сурия президенти Башар Асад оиласи билан мамлакатни тарк этиб, Москвадан бошпана олди. Суриянинг жаҳондаги барча элчихоналари ўз рамзларини мухолифат байроқларига ўзгартирмоқда.
Сурия ҳукумати раҳбари Ал-Жалолий ҳокимиятни тинч йўл билан мухолифатга топширишга тайёрлигини маълум қилган.
9 декабр куни Сурия мухолифати мамлакатда ҳокимиятнинг 18 ойлик ўтиш даври ва янги ҳукумат тизимини шакллантириш бўйича мажбуриятларини эълон қилган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter