Тожикистонда «лайк»лар учун жиноий жавобгарлик бекор қилинди
Жорий йил 14 май куни Тожикистон президенти Эмомали Раҳмон мамлакат Жиноят кодексига ўзгартиришлар киритишни назарда тутувчи қонунни имзолади.
Мазкур ҳужжат билан 2018 йилдан буён амалда бўлиб келган ижтимоий тармоқларда «лайк» ёки шунга ўхшаш бошқа белгилар ёрдамида муносабат билдирганлик учун жиноий жавобгарлик бекор қилинади.
Янги ўзгариш мамлакатда экстремистик ташкилот деб топилган манбалар тарқатган материалларга қўйилган «лайк» ёки бошқа белгиларга тегишли эмас.
Аввалги тартибда тақиқланган материалларга қўйилган «лайк»лар ва улашишлар интернетда терроризмни қўллаб-қувватлаш деб малакаланар ва 15 йилгача қамоқ жазоси билан жазоланарди.
ОАВнинг ёзишича, мамлакатда шу пайтга қадар Жиноят кодексининг ушбу нормаси билан 1500дан ортиқ киши жавобгарликка тортилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter