Трамп-Путин музокаралари 18 март кунига режалаштирилган – Reuters
Трамп 18 март, сешанба куни Путин билан музокаралар ўтказишни режалаштираётганини айтди.
Reuters нашрининг ёзишича, бу ҳақда Трампнинг ўзи маълум қилган.
«Мен президент Путин билан сешанба куни гаплашаман. Дам олиш кунларида жуда кўп ишлар қилинди. Биз бу урушни тугатишимиз мумкинлигини кўрмоқчимиз. Балки қила оламиз, балки қила олмаймиз, лекин менимча, бизда жуда яхши имконият бор», – дегани АҚШ президенти.
Унинг қўшимча қилишича, у, хусусан, Путин билан ҳудудлар ва электр станциялари устидан назорат масалаларини муҳокама қилиш ниятида.
«Ўйлайманки, бунинг кўпчилиги ҳар икки томон – Украина ва Россия томонидан аллақачон муҳокама қилинмоқда. Биз ҳозирда баъзи активларни тақсимлаш ҳақида гапиряпмиз», – дея қўшимча қилди у.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter