Трамп Россияга 10 кун муҳлат берди — саноқ бошланди
Қўшма Штатларнинг Россияга Украинадаги урушни тўхтатиш бўйича ултиматуми муҳлати 10 кундан сўнг тугайди, саноқ бугундан бошланди, дея журналистларга баёнот берди АҚШ президенти Доналд Трамп. Оқ уй брифинг аудиотрансляциясини ўз YouTube-каналида узатди.
«Бугундан бошлаб ўн кун. <...> Биз божлар киритамиз. Мумкин бўлган барча чораларни қўллаймиз. Балки бунинг таъсири бўлар, балки йўқ», — деди Трамп.
28 июл куни Доналд Трамп ўз баёнотида Украинадаги урушни жиловлаш борасида ҳеч қандай силжишни кўрмаётганини айтганди. Шу боис у Россия учун жангларни тўхтатишга белгиланган 50 кунлик муддатни 10-12 кунгача қисқартиришга қарор қилганини айтганди.
Трампнинг ултиматумига кўра, бу вақт ичида ярашувга эришилмаса, АҚШ Россияга ва у билан ҳамкорлик қилаётган мамлакатларга 100 фоизлик божларни қўллайди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter