Трамп Зеленский билан учрашиши мумкинлигини айтди
АҚШ президентлигига номзод Доналд Трамп келаси ҳафта, Украина етакчиси Ню-Йоркдаги БМТ Бош Ассамблеяси йиғилишига келганида Владимир Зеленский билан учрашиши мумкинлигини айтди.
Журналистларнинг Зеленский билан учрашиш ёки учрашмаслиги ҳақидаги саволига Трамп: «Эҳтимол, ҳа», деб жавоб берди.
Зеленский келаси сешанба, 24 сентябрь куни Хавфсизлик кенгашида нутқ сўзлаши кутилмоқда.
Трамп, агар у ғалаба қозонса, Украинадаги урушни бир неча кун ичида, ҳатто президентлик лавозимига қайта киришишидан олдин тугатишга ваъда бермоқда. У буни қандай қилиши ҳақида аниқ айтмаган.
Кўпчилик америкалик ва европалик сиёсатчилар Трампнинг президентлик сайловларида ғалаба қозониши Американинг Украинага кўрсатаётган ёрдами қисқаришига олиб келиши мумкинлигидан хавотирда.
Айримларнинг фикрича, Трамп Киевни Россия билан ўзи учун ноқулай шартларда музокара олиб боришга кўндиришга ҳаракат қилади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter