Украина Россия билан чегара бўйича келишувни бекор қилди
Украина Россия Федерацияси билан чегара ҳудудларида ҳамкорлик тўғрисидаги битимдан чиқди. Бу ҳақда Украина ҳукуматининг Олий Рададаги вакили Тарас Мелничук ўзининг Телеграм-каналида маълум қилди.
У ушбу ҳужжат 1995 йил 27 январда Харковда имзоланганини эслатди.
Мелничук, шунингдек, мамлакат Беларус билан ўсимлик навларини давлат синовидан ўтказиш ва ҳимоя қилиш соҳасида ҳамкорлик тўғрисидаги келишувдан чиққанини айтди. Гап 2004 йил 21 майда Минскда имзоланган ҳужжат ҳақида бормоқда.
21 апрель куни Украина фавқулодда вазиятларнинг олдини олиш борасида Беларус Фавқулодда вазиятлар вазирлиги билан ҳамкорликни бекор қилгани хабар қилинган эди.
Эслатиб ўтамиз, Украина Россия билан 2022 йил 24 февралда дипломатик алоқаларни узганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter