Украина коррупциянинг олдини олиш агентлиги (НAПC) Хитойнинг «Alibaba Group» компаниясини «урушнинг халқаро ҳомийлари» рўйхатига киритди.

Агентлик баёнотига кўра, бундай қарорнинг сабаби компаниянинг Россияда фаолиятини давом эттираётганлиги ва Украинанинг босиб олинган ҳудудларидан экспорт қилинадиган мисни сотиш учун ўз платформаларини тақдим этиши сабаб бўлган.

«Alibaba» дунёдаги энг йирик онлайн-савдо платформаларидан бири - «AliExpress»га эгалик қилади, у Россияда машҳур бўлиб, шўъба корхонасига эга.

Бундан ташқари, Украина агентлиги Reuters маълумотларига асосланиб, Хитойнинг  «Quzhou Nova» компанияси Дебалцево металлургия машинасозлиги заводидан сотиб олинган мис қотишмасидан ясалган товарларни сотиш учун «Alibaba» платформаларидан фойдаланганига аниқлик киритди. Ушбу корхона Россия томонидан босиб олинган ҳудудларда жойлашган ва Москва томонидан назорат қилинади.

Украина Коррупцияга қарши кураш агентлиги, шунингдек, «Alibaba» сиёсий цензура билан шуғулланаётганини ва 2022 йил март ойида украиналик стримернинг профилини уруш ҳақидаги хабар учун блоклаганини даъво қилмоқда.