Венгрия Халқаро жиноий суд таркибидан чиқади
Венгрия Халқаро жиноий суд таркибидан чиқади. Бу ҳақда Венгрия Бош вазири Виктор Орбан идораси раҳбари Гергей Гуяшга таяниб MTI ахборот агентлиги маълум қилди.
Бу қарор ХЖС Фаластиндаги жиноятлари учун ҳибсга олиш ҳақида ордер берган Исроил Бош вазири Бинямин Нетаняхунинг Венгрияга ташрифи фонида қабул қилинди.
Венгрия 1999 йилда ХЖСнинг таъсис ҳужжати (Рим статути)ни имзолаган ва уни 2001 йилда ратификация қилган. Венгриянинг ХЖСдан чиқиши жараёни, Reuters агентлигининг қайд этишича, тегишли қонун лойиҳаси мамлакат парламенти томонидан қабул қилинганидан кейин бир йил давом этади.
Эслатиб ўтамиз, ХЖС Нетаняҳуни ҳибсга олиш ҳақида қарор қабул қилганидан бир кун ўтиб, Виктор Орбан уни Венгрияга таклиф қилган ва Будапешт исроиллик сиёсатчини ҳибсга олмаслигини ҳамда суд қарорини «бемаъни ва мутлақо қабул қилиб бўлмас»лигини айтиб чиққан эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter