Хитойда ичкиликбозликка қарши восита топилди
Хитойнинг Фуюан шаҳридаги шифохонада алкоголизмга қарши «ҳушёрлик чипи» жорий этилди. Бу ҳақда China Daily хабар берди.
«Ҳушёрлик чипи» — дорили гранулалар тўплами, ичкиликка қарамликдан қутулишда ёрдам беради. Унга алкоголга мойилликни сусайтирувчи ва рецидивлардан халос этувчи налтрексон воситаси қўшилган.
Гранулалар бир сантиметрга яқин кесма орқали тери остига маҳаллий анестезия остида юборилади. Жараёнга беш дақиқа ҳам кетмайди. Дори бир неча соатдан сўнг ишга тушиб, таъсири ярим йилгача давом этади.
«Ҳушёрлик чипи» биринчи бўлиб 20 йилдан буён спиртли ичимлик ичиб келган 40 ёшли эркакка қўлланди. Айтилишича, аввалига оз-оздан ичиб юрган бу одам кунига 1,5 литргача ичадиган бўлган. Ичкилиликни ташлай олмаган, оиласида тинчлик йўқ, ўтган йиллар давомида тўққиз марта мазаси қочиб шифохонага тушган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter