Хитойда минг йиллик қабр ўғрилари жазога тортилди
Хитой шарқидаги суд қадимги мақбараларни талон-тарож қилувчи тўданинг 30 нафар аъзоси ҳамда ўғирланган ёдгорликлар олибсотарлиги билан шуғулланувчи 6 кишининг устидан ҳукм ўқиди, дея хабар берди «REGNUM».
Аньхой провинцияси Хуайнань шаҳар Сецзяцзий туман халқ суди мақбара талончиларини 2 йилдан 13 йилгача қамоқ жазосига, шунингдек, турли миқдорда жарималарга ҳукм қилди. Суднинг аниқлашича, Цю Гою ва Бай Вэй бошчилигидаги тўда 2016 йил июлдан 2018 йил мартгача қадимги мақбараларни талон-тарож қилиш бўйича 21 та жиноятни амалга оширган.
Ўғирланган ёдгорликлар орасида мис қилич, бронза кўзгу ва ақиқ сочтўғноғич бор. Маданий ёдгорликлар департаментининг маълум қилишича, талон-тарож қилинган мақбаралар Жанг қилувчи ҳукмдорлар (милоддан аввалги 475 — 221 йиллар) ва Хан сулоласи (милоддан аввалги 202 — милодий 220 йиллар) даврларига тааллуқли.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter