Хитойда суперканал қурилмоқда
Хитой жанубидаги Гуанси-Чжуан мухтор туманида икки йилдан буён Пинлу канали қурилмоқда. У мамлакат ички сув йўлларини денгиз билан боғловчи биринчи йирик канали бўлади, деб хабар берди CGTN телеканали.
Каналнинг узунлиги 134,2 километрни ташкил этади. У Хенчжоу шаҳридаги Сицзин сув омборидан бошланиб, Цинчжоу шаҳри яқинидаги Лоу қишлоғида тугайди. У ердан кемалар Цин дарёси орқали Тонкин кўрфазига етиб бориши мумкин.
Канал I тоифали ички сув йўллари стандартларига мувофиқ қурилмоқда, 5 000 тонна сув сиғимига эга кемаларни қабул қилади.
Канал қурилишини 2026 йилда якунлаш режалаштирилган. Фойдаланишга топширилгандан сўнг, Пинлу канали Хитойнинг жануби-ғарбий қисмидан келадиган юк кемалари учун денгизга элтувчи йўлни 560 километрдан кўпроққа қисқартириб, Жануби-Шарқий Осиё мамлакатлари (АСEАН) бозорларига энг тўғридан-тўғри ички кириш имкониятини яратади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter