Янги бош вазир собиқ мансабдорларнинг «умрбод» имтиёзларини бекор қилди
Себастян Лекорню.
Франциянинг янги тайинланган бош вазири Себастян Лекорню ҳукуматнинг собиқ аъзоларига берилган умрбод имтиёзлар бекор қилинишини маълум қилди, деб хабар берди Brussels Signal.
Ҳукуматнинг собиқ аъзолари учун «умрбод» имтиёзлар 2026 йил 1 январдан бекор қилинади.
«Республика таҳдидга учраши мумкин бўлган шахсларни ҳимоя қилиши шарт, аммо улар (собиқ амалдорлар) вақтинчалик мақом туфайли имтиёзлардан умрбод фойдаланиши мумкинлиги ақлга сиғмайди», — деди янги бош вазир.
Франция бош вазирининг аниқлик киритишича, бундай имтиёзлардан бири полиция ҳимояси бўлиб, у собиқ бош вазирлар ва ички ишлар вазирларига «фақат чекланган муддатга берилади ва ҳақиқий хавфга қараб узайтирилиши мумкин».
Маълумот учун: Францияда ҳукуматнинг собиқ аъзолари хизмат автомобили ва ҳайдовчи олиш, шунингдек, ваколатлари тугаганидан кейин 10 йил муддатга, лекин 67 ёшига қадар шахсий котиб ёллаш ҳуқуқига эга.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter