Японияда депутат эркаклар ҳомиладор аёлларнинг кечинмаларини тушунишга ёрдам берадиган ижтимоий экспериментда қатнашишга қарор қилишди. Мамлакатдаги ҳукмрон Либерал-демократик партиянинг уч нафар вакили икки кун давомида етти килолик сохта қоринни тақиб юришади, дея хабар бермоқда ОАВ.

Тажриба депутат Такако Сузуки томонидан таклиф қилинган. Унинг фикрига кўра, қонунчилар «ҳомиладор аёллар дуч келадиган баъзи қийинчиликларни» бошдан кечириб, «хавфсизроқ жамиятни яратишга» ёрдам беришади.

Депутатлар махсус нимчаларда ишга, дўконга боришлари, ухлашлари ва уй юмушларини бажаришларига тўғри келади. Фақат ҳукуматнинг ялпи мажлислари вақтида нимчани ечишлари мумкин. Синов кеча бошланди, аммо эркаклар ҳомиладор аёллар дуч келадиган қийинчиликларни аллақачон тушуниб етишганини айтишмоқда. Тажриба иштирокчиларининг сўзларига кўра, қорин кўплаб ҳаракатларни чекламоқда — юришга, бурилишга ва эгилишга халақит беради.

Шу билан бирга, Twitter фойдаланувчилари таъкидлашича, депутатлар, ҳатто, нимчаларда ҳам ҳомиладорликнинг барча нюанслари, масалан, қорин оғриғи, бош айланиши, токсикоз ва бошқа нохуш аломатларни тўлиқ ҳис қилмайдилар. Aммо, шунга қарамай, фойдаланувчилар ушбу тажриба ўз самарасини беришидан умид қилишмоқда.

妊婦体験ジャケットを着けて、一晩が経ちました。お腹の圧迫感が強くて良く寝れませんでした。寝返りを打てなかったので、体が痛みます。私は一晩だけですが、実際の妊婦の方はこれが数か月続くと思うと...。
家でも、風呂掃除、爪切りなどのいつも当たり前に行っている事でも難儀しました。 pic.twitter.com/Af7D7X03ym

— 小倉まさのぶ（衆議院議員） (@masanobu_ogura) April 9, 2021