Зеленский Қрим кўпригидаги портлаш ҳақида кутилмаган гапни айтди
Владимир Зеленский Канаданинг CTV News телеканалига берган интервюсида Қрим кўпригида содир этилган портлаш ҳақида илк бор фикр билдирди.
«Портлашга Киевнинг алоқаси йўқ. Биз буни аниқ буюртма қилмаганмиз», деди у.
Украина етакчиси ушбу портлаш Россия қуролли кучлари ва Россия махсус хизматлари ўртасидаги ички кураш оқибати бўлиши мумкинлигини билдирди.
«Уларда (Россия назарда тутилмоқда - таҳ.) ҳарбийлар, махсус хизматлар, разведка ўртасида жиддий ички келишмовчиликлар мавжуд. Бу катта тизим. Совет Иттифоқида бу КГБ эди. Бугунги кунда бу тизим бир нечта тармоқлардан иборат бўлиб, уларнинг қайси бири асосий эканлигини доимий равишда ҳал қилишга уринишади» — деди Зеленский.
Эслатиб ўтамиз, Россияни Қрим яримороли билан боғловчи Керч кўпригида ёнғин юз бергани, кейинроқ эса ёнғинга юк машинасининг портлаши сабаб бўлгани айтилган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter