Байрам ва муҳим саналар

• Қозоғистон халқлари бирдамлиги куни (Қозоғистон).
• Болалар саломатлиги куни (АҚШ).
• Марваридгул куни (Франция).

Воқеа-ҳодисалар

• 305 йил — Қадимги Рим ҳукмдорлари Диоклетиан ва Максимиан ҳокимиятдан воз кечди.
• 1328 йил — тинчлик шартномаси бўйича Англия Шотландия мустақиллигини тан олди.
• 1682 йил — қирол Людовик XIV тантанали равишда Париж расадхонасини очди.
• 1699 йил — Пьер ле Мойн Миссисипи дарёси водийсида биринчи европаликлар манзилгоҳига асос солди.
• 1753 йил — Карл Линнейнинг ботаника фанида бурилиш ясаган «Ўсимликлар турлари» китоби босмадан чиқди.
• 1786 йил — Венада Моцартнинг «Фигаронинг уйланиши» операси премьераси бўлиб ўтди.
• 1840 йил — Англияда дунёдаги биринчи почта маркалари пайдо бўлди.
• 1851 йил — Лондондаги Биллур саройда техника ва маданият ютуқларига бағишланган биринчи халқаро кўргазма ўтказилди.
• 1855 йил — Фалмут (АҚШ) шаҳрига яқин жойда Британиянинг «John» елканли кемаси ҳалокатга учради; 196 киши қурбон бўлди.
• 1884 йил — Чикагода биринчи осмонўпар бино — 10 қаватли уй қурилиши бошланди.
• 1885 йил — Оттава(Канада)да биринчи кўча электр чироқлари ёнди.
• 1886 йил — Бирма Британия Ҳиндистони таркибига қўшиб олинди.
• 1898 йил — Испания-АҚШ уруши: Кавити (Филиппин) яқинидаги денгиз жанги.
• 1899 йил — Германияда Франкфуртнинг «Айнтрахт» футбол клуби ташкил этилди.
• 1899 йил — биринчи марта сотувга аспирин чиқарилди.
• 1919 йил — Бавария қизил армияси мағлубияти. Бавария совет республикасининг қулаши.
• 1930 йил — 18 февраль куни кашф этилган сайёрага Плутон номи берилгани маълум қилинди (кейинчалик Плутон сайёралар рўйхатидан чиқарилган).
• 1933 йил — Британия ва Ҳиндистон ўртасида телефон алоқаси ўрнатилди.
• 1940 йил — 1940 йилги олимпиада уруш туфайли расман бекор қилинди.
• 1945 йил — Иккинчи жаҳон уруши: Берлиндаги Рейхстаг тепасига ғалаба байроғи тикилди.
• 1946 йил — Австралия аборигенлари ўзларининг биринчи саноат иш ташлашини амалга оширишди.
• 1948 йил — КХДР тузилгани эълон қилинди.
• 1961 йил — Фидел Кастро бундан буён Кубада сайловлар бўлмаслигини эълон қилди.
• 1963 йил — Ғарбий Ириан собиқ ҳолланд мустамлакаси Индонезияга топширилди.
• 1974 йил — Португалияда сиёсий маҳбуслар озодликка чиқарилди, ОАВда цензура бекор қилинди.
• 1978 йил — япониялик Наоми Уэмура итлар қўшилган чанада якка ўзи 54 кун давомида шимолий қутбга етиб келди.
• 1979 йил — Гренландия ўзини ўзи бошқариш ҳуқуқини қўлга киритди.
• 1993 йил — Коломбодаги теракт оқибатида Шри-Ланка президенти Ранасингхе Премадаса ҳалок бўлди.
• 2003 йил — Мўғулистонда ерни хусусийлаштириш бошланди.
• 2004 йил — Венгрия, Кипр, Латвия, Литва, Мальта, Польша, Словакия, Словения, Чехия ва Эстония Европа иттифоқига қабул қилинди.

Таваллуд кунлари

• 1672 йил — Жозеф Аддисон, ёзувчи, публицист, инглиз журналистикаси асосчиларидан бири.
• 1881 йил — Тейар де Шарден, француз антропологи, палеонтолог, файласуф, синантропни кашф этган.
• 1896 йил — Муҳиддин Қориёқубов, Ўзбекистон халқ артисти.
• 1916 йил — Кифоят Муслимова, Ўзбекистон халқ артисти.
• 1924 йил — Давид Абашидзе, грузин актёри ва режиссёри.
• 1936 йил — Дилбар Абдураҳмонова, биринчи ўзбек дирижёр аёли.
• 1942 йил — Элёр Эшмуҳаммедов, ўзбек режиссёри.
• 1968 йил — Оливер Бирҳофф, немис футболчиси.