Ўзбекистоннинг ЖЧ-2026 даги рақиби турнирдан четлаштирилиши мумкин
Эндрю Жулиани.
Жаҳон чемпионати финал босқичи «K» гуруҳида Ўзбекистон, Португалия ва Колумбия билан бирга жой олган Конго ДР терма жамоасининг мундиалдаги иштироки сўроқ остида турибди.
Бунга мамлакатда Эбола безгаги тарқалгани сабаб бўлмоқда. АҚШ расмий вакили Эндрю Жулиани ESPN нашрига берган интервюсида таъкидлашича, конголик футболчилар айни пайтда машғулот ўтказаётган Белгия ҳудудида 21 кунлик мажбурий карантиндан ўтишлари шарт. Акс ҳолда, касаллик тарқалиши хавфи юқори бўлгани сабабли ушбу терма жамоанинг АҚШ ҳудудига киришига рухсат берилмайди.
Жулиани қўшимча қилишича, америкалик ташкилотчилар Жаҳон чемпионати иштирокчилари ва меҳмонларининг соғлиғи ҳамда хавфсизлиги масаласига жуда жиддий қарамоқда.
Эслатиб ўтамиз, ЖЧ-2026 га 11 июн куни Мехико шаҳридаги афсонавий «Ацтека» (Estadio Azteca) стадионида старт берилади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter