Жиззахда ЙТҲга учраган Nexia ёниб кетди
Бугун, 5 январ куни тушлик вақтида M39 Алмати-Тошкент-Термиз халқаро автомобил йўлининг Жиззах вилояти Дўстлик тумани ҳудудидан ўтувчи 942-километрида «Nexia»да ёнғин чиқди.
Бу ҳақда Жиззах вилояти Фавқулодда вазиятлар бошқармасига «101» қисқа рақами орқали маълумот келиб тушган.
Ҳодиса жойига Дўстлик тумани ФВБдан қутқарувчилар бўлинмаси юборилган. Шунингдек, ёнғин жойига Сирдарё вилояти Сардоба тумани ФВБ 8-сонли ёнғин-қутқарув қисмидан ҳам 1 та бўлинма етиб келган. Кўрилган чора-тадбирлар натижасида ёнғин тўлиқ бартараф этилган.
Аниқланишича, «Тошкент-Термиз» йўналишида ҳаракатланиб кетаётган «Nexia» шу йўналишдаги юк автомобили билан тўқнашуви оқибатида бошқарувни йўқотиб, бетон тўсиққа бориб урилган ва автомобилда ёнғин келиб чиққан.
Ҳодиса оқибатида ҳеч ким жабрланмаган. Кўрилган моддий зарар миқдори аниқланмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter