Андроид қурилмалар учун Xabar.uz мобил иловаси. Юклаб олиш ×

Пастдарғомдаги боғчада аёл киши пичоқланиб, ёқиб юборилди

Пастдарғомдаги боғчада аёл киши пичоқланиб, ёқиб юборилди

Видеолавҳадан скриншот.

Самарқанд вилояти, Пастдарғом туманида жинсий алоқа қилиш учун келтирилган аёллардан бири ўлдириб, ёқиб юборилди. Бу ҳақда Миллий телеканали эфирида маълум қилинди.

Хабарда айтилишича, жорий йилнинг 6 январь куни кечаси соат 23:00 ларда Пастдарғом тумани «Истиқбол» МФЙда яшовчи уч нафар йигит жинсий алоқа қилиш мақсадида икки нафар аёлни шу МФЙдаги эски боғчага олиб келишган.

Натижада, йигитлар ва аёллар ўртасида келишмовчилик юзага келган ҳамда йигитлардан бири аёллардан бирига пичоқ урган. Иккинчи аёл воқеа жойидан қочиб кетган. Аёл ҳозирда Пастдарғом туман тиббиёт бирлашмасига орқа чап томон соҳасига санчилиб-кесилган жароҳат билан ётқизилган. Ҳозирда ИИБ ходимлари томонидан назоратга олинган хонада даволанмоқда.

«Кечаси соат 12 атрофида йигитлар икки нафар енгилтабиат аёлларни жинсий алоқа қилиш мақсадида олиб келишган. Кейинчалик ўзаро келишолмай қолишган, аёллардан бири оғир тан жароҳати олган. Иккинчиси қочиб кетган. Эътиборсизлик қилганмиз. Боғчадаги қоровул ҳам эътиборсиз бўлган. Мен ёки «участковой» ҳар куни кечаси соат 12 да юролмаймизда. Айнан шу куни профилактика инспекторимиз шу боғчага келиб текшириб кетганди», — дейди МФЙ раиси.

Пичоқланган аёл ҳодиса жойида вафот этган. Шундан сўнг, йигитлар жасадни тумандаги дала майдонига олиб бориб, ёқиб юборишган.

Бош прокуратура маълумотига кўра, воқеа иштирокчиларидан .Н. ва М.Т.га нисбатан ЖКнинг 97-моддаси 2 қисми «п» билан жиноят иши қўзғатилган.

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг