Сурхондарёда 22 ёшли йигит автомашинада каналга тушиб кетиб, ҳалок бўлди — видео
Сурхондарё вилояти Денов туманида 16 март куни 22 ёшли ҳайдовчи «Nexia» автомобил каналга тушиб кетиши оқибатида ҳалок бўлган. Автомобилда бўлган йўловчи эса шифохонага ётқизилган. Бу ҳақда «Zamon» информацион дастурида маълум қилинди.
Хабарга кўра, воқеа 16 март куни соат 16:00 ларда Денов тумани Обод турмуш маҳалласи орқали ўтган йўлда содир бўлган. 1999 йилда туғилган фуқаро отасига тегишли «Nexia» автомобилида ҳаракатланиб кетаётиб, тезликни меъёридан ошириш туфайли бошқарувни йўқотган.
Бунинг оқибатида автомобиль кўприкнинг темир устунига урилиб, Қорасув каналига тушиб кетган. Ҳайдовчи воқеа жойида ҳалок бўлган. Қайд этилишича, машина салонида бўлган йўловчи жароҳат олиб, шифохонага ётқизилган. Айни вақтда канал устидан ўтган кўприкни кенгайтириш ишлари олиб борилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter