Тошкент марказида қурилаётган «Mirabad Avenue» комплексида катта ёнғин келиб чиқди (видео)
Тошкент шаҳри марказида – Миробод бозори ёнида қурилаётган «Mirabad Avenue» комплексида бугун, 12 июль куни кечаси катта ёнғин келиб чиқди. Бу ҳақда ижтимоий тармоқларда видеолар тарқалди.
Видеодан кўриш мумкинки, ёнғин қурилаётган кўп қаватли уйларнинг тепа қисмида юзага келган. Ўт ўчирувчилар ёнғинни бартараф этишга ҳаракат қилишмоқда. Ёнғин сабаблари ва оқибатлари ҳақида ҳали расмий хабар берилгани йўқ.
Бу ушбу уйлар билан боғлиқ биринчи ҳодиса эмас. Бир ҳафтача аввал худди шу уйларнинг ертўла қисмида ёнғин чиққан эди.
Эслатиб ўтамиз, «Mirabad Avenue» премиум даражадаги ҳашаматли уй-жой комплекси саналади ва «Golden House» компанияси томонидан қурилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter