Яккасарой тумани ҳудудидаги кичик халқа автомобиль йўлида тўртта транспорт воситаси иштирокида йўл-транспорт ҳодисаси содир бўлди.

Қайд этилишича, ҳодиса 2022 йил 6 октябрь куни тахминан соат 13.30 ларда юз берган.

ЙТҲда 2000 йилда туғилган К.Х. бошқарувидаги «Nexia-3», 1987 йилда туғилган Р.А. бошқарувидаги «Spark», 1993 йилда туғилган Б.С. бошқарувидаги «Nexia-3» ва 1980 йилда туғилган Д.Г. бошқарувидаги «JETOUR» русумли транспорт воситаларии тўқнашган.

Дастлабки олинган маълумотга кўра ЙТҲнинг сабаби: «Nexia-3» русумли транспорт воситаси ҳайдовчиси К.Х. йўл ҳаракати қоидаларига риоя этмасдан, йўлнинг қарама-қарши қисмига чиқиб ҳаракатланган ва бошқа транспорт воситаси билан тўқнашган. Натижада тўртта автомашина иштирокидаги ЙТҲ содир бўлган.

Тўқнашув оқибатида «Spark» автомашинаси ҳайдовчиси, шунингдек йўловчиси – вояга етмаган 2013 йилда туғилган Ж.Ж. тан жароҳатлари олиб тиббиёт муассасасига олиб борилган.

Мазкур ҳолат юзасидан Тошкент шаҳар ИИББ ЙҲХБ томонидан терговга қадар текширув ўтказилмоқда.