Андроид қурилмалар учун Xabar.uz мобил иловаси. Юклаб олиш ×

Зангиотада уч йигитча бир қизни пичоқлаб, каналга ташлаб юборди

Зангиотада уч йигитча бир қизни пичоқлаб, каналга ташлаб юборди

Зангиота туманида ўта оғир жиноят содир этилди. Бу ҳақда «Xabar.uz»га Бош прокуратура матбуот хизмати маълум қилди.

Унга кўра, шу йилнинг 20 апрель куни соат 03:00 лар чамасида Зангиота туманида истиқомат қилувчи уч йигит (иккитаси 17 ёшга тўлмаган, биттаси 19 ёшда) ўзларига аввалдан таниш бўлган ўн саккиз яшар К.Р. (аёл) билан жанжаллашиб кетади. Бунинг оқибатида йигитчалар ошхона пичоғи билан қизнинг бўйин, қорин ҳамда танасининг турли қисмларига уриб, шу ердан оқиб ўтувчи «Туябўғиз» каналига ташлаб юборишади ва ҳодиса жойидан яширинишади.

К.Р. олган тан жароҳатларига қарамасдан каналдан чиқиб, ўз уйига етиб борган ва яқинлари томонидан туман тиббиёт бирлашмасининг жонлантириш бўлимига ётқизилган. Шифокорларнинг саъй-ҳаракати билан ҳаёти сақлаб қолинган.

Ҳолат юзасидан жиноят иши қўзғатилиб (ЖК, 25,97-модда – «Одам ўлдиришга суиъқасд қилиш»), шу куннинг ўзида учовлон қўлга олинган. Айни пайтда тергов ҳаракатлари олиб борилмоқда.

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг