Тадбиркор ноқонуний ҳисобланган қарийб 200 млн сўмлик қарздорликдан озод қилинди
Сирдарё вилояти Янгиер шаҳрида фаолият кўрсатувчи «Миллий таомлар» (номи ўзгартирилган) масъулияти чекланган жамияти раҳбари газ таъминоти корхонаси ходимларининг хатти-ҳаракатидан норози бўлиб, Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакилга мурожаат қилди.
Аниқланишича, корхона барча талабларга асосан фаолият юритиб, газ ҳисоблагични қонуний равишда ўрнатган ва сервис хизмати шартномасига эга бўлган. 2024 йил 28 март куни «Ҳудудгаз Сирдарё» газ таъминоти филиали ходимлари томонидан ўтказилган ўрганишда далолатнома асосида 231 млн сўм қарздорлик ҳисобланган.
Вакил девони аралашуви билан «Ўзэнергоинспекция»нинг Сирдарё вилоят ҳудудий бошқармаси томонидан қайта ҳисоб-китоб ўтказилди. Натижада, ҳақиқий қарздорлик 33 млн сўмни ташкил этиши маълум бўлди. Тадбиркор ноқонуний ҳисобланган 200 млн сўмга яқин қарздорликдан озод қилинди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter