Танишининг суратини тарқатган қиз суд олдида жавоб беради
Андижон вилояти, Марҳамат тумани ИИБ бошлиғи номига фуқаро 25 ёшли Назокат Т. ариза билан мурожаат қилиб, таниши 25 ёшли Мохирахон Т. уни шарманда қиладиган уйдирмалар тарқатиш мақсадида унинг сурати устига гўёки «Назокат 50 000 сўм эвазига фоҳишалик билан шуғулланади» деган мазмунда ёзув, телефон рақами кўрсатилган суратни «Telegram» ижтимоий тармоғининг 1200 нафар обуначиси бўлган гуруҳга жойлаб, тарқатиб юбориши натижасида унинг шаъни ва қадр қимматини камситган.
Мазкур ҳолат юзасидан Марҳамат тумани ИИБ ҳузуридаги Тергов бўлими томонидан Мохирахон Т. га нисбатан Ўзбекистон Республикаси Жиноят кодексининг 139-моддаси 3-қисми «г» банди (Туҳмат, яъни ғаразгўйлик ёки бошқа паст ниятларда била туриб шахсни шарманда қиладиган уйдирмалар тарқатиш) билан жиноят иши қўзғатилиб, айб эълон қилинган.
Ҳозирда ушбу жиноят иши тегишли тартибда туман судига юборилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter