БАА АҚШ иқтисодиётига 1,4 трлн доллар инвестиция киритади
Бирлашган Араб Амирликлари келгуси ўн йил ичида АҚШ иқтисодиётига 1,4 триллион доллар сармоя киритиш мажбуриятини олди. Бу ҳақда Оқ уй вакилига таяниб, Reuters хабар берди.
Янги келишувлар сунъий интеллект, яримўтказгичлар, энергетика ва Америка ишлаб чиқариш соҳаларини қамраб олади. "Бирлашган Араб Амирликлари АҚШ иқтисодиётига киритган инвестицияларини сезиларли даражада оширади", дейди агентлик манбаси.
АҚШ маъмурияти расмийсининг сўзларига кўра, бу қарор БАА расмийлари ва АҚШ президенти Доналд Трамп ўртасида шу ҳафта бўлиб ўтган музокаралар натижасида қабул қилинган.
19 март куни БАА миллий хавфсизлик бўйича маслаҳатчиси ва Абу-Даби ҳукмдори ўринбосари шайх Таҳнун Ал Наҳаён АҚШ президенти Доналд Трамп билан учрашувдан сўнг Амирлик расмийларининг Америка иқтисодиётига сармоя киритиш ниятини эълон қилди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter