Андроид қурилмалар учун Xabar.uz мобил иловаси. Юклаб олиш ×

Бугун божхоначилар байрами нишонланмоқда. Ўзгараётган тизим ҳақида

Бугун божхоначилар байрами нишонланмоқда. Ўзгараётган тизим ҳақида

Фото: Xabar.uz

Бугун — божхоначилар куни! Давлат божхона хизмати органлари ходимлари куни арафасида бир гуруҳ журналистлар божхона постлари ва «Божхона тарихи» музейи фаолияти билан танишдилар. Бу кун ҳамма учун ўзгача ўтди.

Ҳар қандай иқтисодиётнинг асоси - савдо-сотиқ ҳисобланади. Савдони эса божхонасиз тасаввур этиб бўлмайди. Тан олиш лозим, яқин тарихимизда божхоначилар ҳақидаги тасаввур жуда ҳам яхши эмас эди. Аммо энди ҳаммаси ўзгарган, медиа-тур давомида журналистлар бунга ишонч ҳосил қилдилар.

«Тошкент-товар» ташқи иқтисодий фаолият божхона постида ўтган 2020 йилда 86 минг 422 та божхона юк декларациялари расмийлаштирилди. Бундан давлат бюджетига 3 трлн 989 млрд сўмдан ортиқ тўловлар ўтказилган. Экспорт эса салкам 384 млн АҚШ долларини ташкил этди.

Мазкур божхона пости 1998 йил ташкил этилган бўлиб, ҳозирда «Orient Logistics Center» логистика маркази ҳудудида жойлашган. Журналистлар мазкур логистика маркази билан ҳам яқиндан танишишди. 7000 кв.м майдонга эга мазкур божхона омбори Германия ва Туркиядан келтирилган энг замонавий юклаш ускуналари билан жиҳозланмоқда.

Медиа турнинг навбатдаги манзили «Арк-булоқ» ташқи иқтисодий фаолият божхона пости бўлди. Ушбу пост ҳам логистика марказида жойлашган бўлиб, ташқи иқтисодий фаолиятдаги экспорт-импорт операцияларини амалга оширувчи тадбиркорлик субъектларига хизмат кўрсатиб келмоқда.

«Highway logistics center» замонавий логистика маркази 2017 йил ташкил топган ва 2018 йил феврал ойидан иш фаолиятини бошлади.

Ўтган уч йил, яни 2018-2020 йиллар мобайнида прогрессив тарзда иш фаолиятини юргизиб келди, қискача қилиб айтганда, 2018 йилда ҳафтасига юк ортиш-тушириш, сақлаш хизматларини 600 тоннагача амалга оширган бўлса, 2020 йил якунига келиб бу кўрсаткич ҳафтасига ўртача 1400 тоннани ташкил этди.

Логистика марказлари ривожланган давлатлар иқтисодиётида муҳим ўрин эгаллайди. Шу сабабдан, давлатимизда замонавий жаҳон стандартларига мос келадиган логистика марказларининг барпо этилиши мақсадга мувофиқдир.

Хавфни бошкариш тизими жорий этилгандан сўнг, агар БЮД сариқ ёки яшил йўлакларга йўналтирилса, юкларни ортиш-тушириш, кўрикдан ўтказиш жараёнлари, божхона ходими иштирокисиз амалга оширилади. Бу эса тадбиркорларга қулайлик яратади.

Мазкур божхона постида ҳам «Ягона дарча» божхона ахборот тизими орқали товар ва транспорт воситаларига берилган рухсат этувчи турдаги ҳужжатларни онлайн тарзда кўриш ва текшириш механизми жорий этилган. Ушбу божхона постида божхона расмийлаштирувига зарур бўлган ҳужжатларни беришга ваколатли бўлган мутасадди идораларнинг вакиллари ҳам фаолият олиб бормоқда.

Ушбу божхона постида божхона расмийлаштирувига зарур бўлган ҳужжатларни беришга ваколатли бўлган мутасадди идораларнинг вакиллари ҳам фаолият олиб бормоқдалар.

Медиа тур якунида журналистлар Давлат божхона қўмитасининг «Божхона тарихи» музейига ташриф буюриб, минтақада божхона ишининг яратилиши, шаклланиши тарихи ҳамда божхона иши асослари билан танишишди.

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг