Андроид қурилмалар учун Xabar.uz мобил иловаси. Юклаб олиш ×

Қайси мамлакатларда энг кўп нефть қайта ишланмоқда ва истеъмол қилинмоқда

Қайси мамлакатларда энг кўп нефть қайта ишланмоқда ва истеъмол қилинмоқда

Фото: «BRINK Asia»

Корея нефть уюшмалари маълумотларига кўра, Жанубий Корея нефтни қайта ишловчи компаниялари салоҳияти бўйича жаҳонда бешинчи ўринга кўтарилиб олган.

Ташкилот маълумотларига ишонадиган бўлсак, 2018 йилда Жанубий Кореяда бир суткада ўртача 3 346 000 баррель нефть қайта ишланган.

Бир суткада ўртача 18,76 млн. баррель нефтни қайта ишлаётган АҚШ бу жабҳада глобал етакчи. Хитойда эса бир-кеча-кундузда 15,65 млн. баррель «қора олтин» фойдаланиш учун яроқли ҳолатга келтирилмоқда. Кейинги ўринларда Россия ва Ҳиндистон6,59 ва 4,97 млн. баррелдан.

Умуман олганда, жаҳон бўйича бир суткада ўртача 82,9 млн. баррель нефть қайта ишланмоқда. Билиш қийинмаски, глобал нефть маҳсулотлари бозорининг қарийб 60 фоизи юқоридаги «бешлик» назорати остида.

Жанубий Корея мамлакатда нефтни қайта ишлаш соҳаси илк йўлга қўйилган 1964 йилдан бери биринчи марта 2018 йилда Японияни иш ҳажми бўйича ортда қолдирди. Корейслар нефть истеъмоли бўйича глобал бозорда 8-ўринда — суткасига ўртача 2,79 млн. баррелдан. Демак, мамлакат ўз эҳтиёжидан кўп маҳсулот ишлаб чиқаряпти. Бошқача айтганда, нефть мустақиллиги!

Нефть истеъмоли бўйича ҳам АҚШга етадиган давлат йўқ — 20,45 млн. баррель (суткасига). Шунчалик кўпки, ҳаммадан зиёд нефтни қайта ишловчи Қўшма Штатлар кемтикни импорт билан ёпмоқда. Иккинчи ва учинчи ўринларда Хитой ва Ҳиндистон — 13,52 млн. ва 5,15 млн. баррелдан. Чин юрти ички эҳтиёжини қоплай олади, ҳиндлар эса йўқ.

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг