Жорий йилнинг июль ойида Хоразмда саксовулфурушлар экология инспекторларини калтаклаб кетишгани ҳақида хабар берилганди. 

Унда Пешку туманидаги «Сафрон» чўл массивида ўтказилган рейд давомида чўл саксовулини ҳимоя қилган экологик назорат инспекцияси ходимларининг зўравонларга дуч келишгани ва калтакланишгани ҳақида сўз борган. Икки инспектор - Нуриддин Муҳаммадов ҳамда Охунжон Ҳусеновга оғир тан жароҳати етказган икки катта гуруҳдан иборат ҳуқуқбузарлар катта ва йирик Халқаро аҳамиятга эга «Ғузор–Бухоро–Нукус A-380» автомобиль йўли орқали қочишган. Айни пайтда ҳолат юзасидан ҳуқуқ органлари томонидан суриштирув ишлар олиб борилмоқда.

Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлигининг тегишли буйруғи билан инспекторларнинг жасоратли хатти-ҳаракати шарафланди. Улар «Табиат ҳимоячиси» кўкрак нишони билан тақдирланишди.

«Бизни фахрлантиргани инспекциясимиз ходимлари ўз хизмат вазифасини олиб бораётган пайтда ҳам руҳий, ҳам жисмоний босимга, зўравонликка қарамасдан, ҳеч бири воқеа жойини тарк этишмаган, яъни қочишмаган. Чўлнинг қоқ ўртасида салкам бири-биридан бир-биридан 500 метрдан 2 километрча узоқ масофада хизмат вазифасини ўтаётган 7 нафар ходим тонгга қадар бир-бирини ўта қийинчиликларда излашган. 2 нафар инспекторга оғир, жуда оғир тан жароҳати етказилган. Жонажон Ватанимизнинг она табиатини асраш йўлидаги фидоийликлари эъзоз ва қадр топди»,-деди Бухоро вилояти Экология, атроф-муҳитни муҳофаза қилиш ва иқлим ўзгариши бошқармаси бошлиғи Жамол Носиров.