BYD Central Asia маҳаллий ишлаб чиқарилаётган BYD CHAZOR UzPride моделининг расмий сотуви бошланганини эълон қилади. Маҳаллийлаштириш даражаси юқори бўлгани туфайли 55 KM Luxe жамланмаси 255 900 000 сўм нархда таклиф этилмоқда.

Моделнинг номи унинг мазмун-моҳиятини акс эттиради: бренд маҳаллий бозорда изчил ривожланиб, техник мутахассисларни тайёрлаш ва мамлакат автомобилсозлик саноатини замонавийлаштиришга кўмаклашмоқда. Шу билан бирга, замонавий технологияларни аҳолининг тобора кенг қатламлари учун қулай ва ҳамёнбоп қилмоқда. Шу сабабли янги талқин Ўзбекистон ва унинг халқига чуқур ҳурмат рамзи сифатида UzPride номини олди.

Ўзбекистон Республикаси мустақиллигининг 35 йиллиги муносабати билан харидорлар учун махсус молиялаштириш дастури тайёрланди:

- бошланғич тўлов – 35%;

- бўлиб тўлаш муддати – 35 ой;

- фоиз ставкаси – 0%;

- молиялаштиришни расмийлаштириш – фақат ОФБ ҳамкор банки орқали.

Мустақилликнинг 35 йиллигига бағишланган молиялаштириш дастури шартлари 2026 йил 29 августдан 1 сентябргача амал қилади.

Дастур шартлари қутлуғ сана билан рамзий тарзда уйғунлаштирилган бўлиб, янги супергибрид седанни Ўзбекистон бўйлаб харидорлар учун янада қулайроқ шартларда сотиб олиш имконини беради.

BYD CHAZOR UzPride ҳақида

BYD CHAZOR UzPride DM-i супергибрид тизими билан жиҳозланган. Унда электр юритманинг афзалликлари 1,5 литр ҳажмли юқори самарали бензин двигателининг имкониятлари билан уйғунлаштирилган.

132 кВт қувватга эга электр двигателининг энг юқори буровчи кучи 316 Н·м ни ташкил этади. Автомобиль 0 дан 100 км/соат тезликка 7,9 сонияда чиқади. NEDC ўлчов тартиби бўйича фақат электр қувватида юриш масофаси 55 километргача етади. Аккумулятор қуввати паст бўлганда ёқилғи сарфининг энг кам кўрсаткичи 100 километрга 3,8 литрни ташкил этади.

55 KM Luxe жамланмасига айлантириладиган 12,8 дюймли мультимедиа экрани, 8,8 дюймли дисплейга эга рақамли кўрсаткичлар панели, ўзбек тилидаги ақлли овозли бошқарув тизими, 4G ва Bluetooth уланиши, шунингдек, OTA орқали масофадан янгилаш имконияти киради.

Ҳайдовчига янада кўпроқ қулайлик яратиш мақсадида автомобиль калитсиз кириш тизими, NFC-карта, масофадан ишга тушириш, ўриндиқни электр ёрдамида созлаш, электр юритмали том туйнуги ҳамда орқа ўриндиқ йўловчилари учун ҳаво йўналтиргичларга эга иқлим тизими билан жиҳозланган.

360° атрофни кўрсатувчи панорамали HD-камера ҳамда олд ва орқа тўхташ датчиклари автомобилни бошқариш ва тор жойларда ҳаракатланишни осонлаштиради.

Хавфсизлик тизимлари қаторига тезликни бир маромда сақлаш тизими, йўналиш барқарорлигини назорат қилиш, ғилдиракларнинг сирпанишига қарши тизим, шиналардаги босимни кузатиш, қияликда ҳаракатни бошлашга кўмаклашиш, автомобилни автоматик ушлаб туриш, олд ва ён хавфсизлик ёстиқчалари, шунингдек, парда туридаги хавфсизлик ёстиқчалари киради.

BYD CHAZOR UzPride моделининг маҳаллий ишлаб чиқарилиши янги энергия манбаларида ҳаракатланувчи замонавий автомобиллар танловини кенгайтиради ҳамда мамлакат автомобилсозлик саноатининг ривожланишига ҳисса қўшади.

BYD Central Asia компаниясининг мустақилликнинг 35 йиллигига бағишланган дастури – Ўзбекистон Республикаси мустақиллигининг 35 йиллигини мамлакатимизда ишлаб чиқарилган янги автомобиль бошқарувида кутиб олиш учун ажойиб имкониятдир.

*Мустақилликнинг 35 йиллигига бағишланган молиялаштириш дастури 2026 йил 29 августдан 1 сентябргача, 1 сентябрь куни ҳам, амал қилади. Дастур доирасидаги молиялаштириш фақат ОФБ ҳамкор банки орқали расмийлаштирилади. Дастур бўйича таклиф этиладиган автомобиллар сони чекланган. Техник кўрсаткичлар маълумот бериш мақсадида келтирилган бўлиб, йўл ва об-ҳаво шароити, автомобилнинг юкланиш даражаси ҳамда ҳайдаш услубига қараб фарқ қилиши мумкин. Автомобилни сотиб олиш шартлари ва жамланмаси ҳақидаги батафсил маълумотни BYD компаниясининг расмий дилерларидан олишингиз мумкин.

BYD компаниясининг Ўзбекистондаги алоқа маълумотлари

Расмий ишонч телефони: 1811

Расмий веб-сайт: bydauto.uz

Инстаграм: @bydauto.uz

Телеграм: t.me/bydautouz