ДХХ раиси Покистонга ташриф буюрди
Ўзбекистон Республикаси Давлат хавфсизлик хизмати раиси, генерал-лейтенант Абдусалом Азизов Покистонга ташриф буюрди. У Равалпинди шаҳрида мезбон давлат қуруқликдаги қўшинлар штаби (COAS) бошлиғи, генерал Қамар Жавод Бажва билан музокаралар ўтказган. Бу ҳақда «Thenews.com.pk» нашрига асосланиб «Халқ сўзи» нашри берди.
Мулоқотда икки мамлакат ўртасида мудофаа ва хавфсизлик соҳасидаги ҳамкорлик, минтақавий хавфсизлик соҳасидаги умумий ҳолатга урғу берилган.
Ҳар икки томон ҳам ўзаро ҳарбий алоқалар, соҳада кадрлар тайёрлаш ва терроризмга қарши кураш соҳасидаги ҳамкорликни янада кучайтиришга келишилган.
ДХХ раиси Покистон армиясига профессионаллиги ва минтақавий барқарорликни таъминлаш борасидаги саъй-ҳаракатлари учун миннатдорчилик билдирган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter