10 йил давомида қайта ишланган гўшт истеъмолини учдан бир қисмга камайтириш ҳисобига қандли диабетнинг 360 минг, юрак-қон томир касалликларининг 92,5 минг, йўғон ичак саратонининг 53,3 минг ҳолатининг олдини олиш мумкин.

Тегишли тадқиқотни Эдинбург университети ва Шимолий Каролинадаги Чапел-Хилл университети олимлари олиб боришган. 

Агар одамлар қайта ишланган ва қайта ишланмаган қизил гўштни истеъмол қилишни 30% га камайтирса, диабет ривожланиш хавфи ҳам сезиларли даражада камаяди (1 073 400 кишига). Худди шу нарса юрак-қон томир касалликлари (382 минг киши) ва йўғон ичак саратони (84,4 минг киши) учун ҳам амал қилади.

Ушбу тадқиқот учун Касалликларни назорат қилиш ва олдини олиш марказларининг америкаликларнинг Миллий саломатлик сўрови маълумотларидан фойдаланилган. Уларнинг ёрдами билан мутахассислар АҚШнинг катталар аҳолисининг вакиллик намунасини моделлаштиришга муваффақ бўлди ва қизил гўштдан воз кечиш турли касалликларнинг ривожланиш хавфига таъсирини баҳолади, деб хабар бермоқда Medical Xpress.