Тиббиёт технологиялари самарадорлигини ўрганувчи «Cochrane» халқаро ташкилотининг уқтиришича, вакцинациялар гриппни юқтириш эҳтимолини камайтиради, бироқ шамоллаш хасталикларининг олдини бутунлай олиш имконсиз — на эмлаш, на лимон, на саримсоқпиёз ёрдам бера олади.

«Ҳозирги шамоллашларни вируслар қўзғайди, антибиотиклар уларнинг қаршисида ожиз. Биз 2013 йили ўтказган тадқиқотлар антибиотиклар бу мақсадлар учун самарасиз эканини кўрсатди... С витаминини мунтазам истеъмол қилиш, умуман олганда, касалликлар сони қисқаришига олиб келмайди, бироқ баъзи ҳолатларда симптомларни енгиллаштириб, касалликдан тезроқ тузалишда наф беради», — дейишмоқда «Cochrane» мутахассислари.

АҚШ ва Европада шамоллашга қарши кенг қўлланилувчи эхинацияни мутахассислар гриппга қарши энг яхши даво эмас дейишяпти. Бу усул фақат профилактика мақсадларига ярайди.

Буғли ингаляция ҳам даволаш воситаси бўла олмайди. «Cochrane» 2017 йили 387 нафар бемор иштирокида ўтказган тадқиқотда бу усул ҳам ўзини оқламади.

Саримсоқпиёз — гриппга қарши яхши профилактик восита. Бироқ уни «дори» сифатида тавсия қилиш учун илмий асослар етарли эмас.