Tibbiyot texnologiyalari samaradorligini o‘rganuvchi «Cochrane» xalqaro tashkilotining uqtirishicha, vaksinatsiyalar grippni yuqtirish ehtimolini kamaytiradi, biroq shamollash xastaliklarining oldini butunlay olish imkonsiz — na emlash, na limon, na sarimsoqpiyoz yordam bera oladi.

«Hozirgi shamollashlarni viruslar qo‘zg‘aydi, antibiotiklar ularning qarshisida ojiz. Biz 2013-yili o‘tkazgan tadqiqotlar antibiotiklar bu maqsadlar uchun samarasiz ekanini ko‘rsatdi... S vitaminini muntazam iste’mol qilish, umuman olganda, kasalliklar soni qisqarishiga olib kelmaydi, biroq ba’zi holatlarda simptomlarni yengillashtirib, kasallikdan tezroq tuzalishda naf beradi», — deyishmoqda «Cochrane» mutaxassislari.

AQSh va Yevropada shamollashga qarshi keng qo‘llaniluvchi exinatsiyani mutaxassislar grippga qarshi eng yaxshi davo emas deyishyapti. Bu usul faqat profilaktika maqsadlariga yaraydi.

Bug‘li ingalyasiya ham davolash vositasi bo‘la olmaydi. «Cochrane» 2017-yili 387 nafar bemor ishtirokida o‘tkazgan tadqiqotda bu usul ham o‘zini oqlamadi.

Sarimsoqpiyoz — grippga qarshi yaxshi profilaktik vosita. Biroq uni «dori» sifatida tavsiya qilish uchun ilmiy asoslar yetarli emas.