Хабарингиз бор, Тошкент шаҳрида «Minerva City» — шаҳар ичидаги шаҳар қурилиши ҳозирда авж паллада. Сотувга қўйилган хонадонларнинг биринчи харидорлари ҳам аллақачон мавжуд.

Ҳеч кимга сир эмас, ҳозирда «Minerva City»да қурилиш ишлари жадал кетмоқда. Ҳозирги кунда биринчи ва иккинчи блоклар қурилиши тугалланган.

«Minerva City»нинг «А» сектори қисми — турар-жой бинолари, савдо ва офис бинолари қурилишининг биринчи босқичи 2022 йил 2 чоракда тугатилиши режалаштирилган эди. Бироқ, жаноб Мурари Лал Жалан бошчилигидаги MJ Developers жамоаси уни муддатидан олдин – 2021 йилнинг 4-чорагида қуриб битказишга ишончлари комил.

«Шаҳар ичидаги шаҳар» лойиҳаси Янгиҳаёт туманининг жануби-ғарбида жойлашган. Бунда 2 миллион квадрат метрдан ортиқ майдон турар-жой бинолари, ўқув муассасалари, савдо ва офис объектларини қуриш учун мўлжалланган.

Куни кеча «Minerva City»да хонадон соҳиблари учун ифторлик ташкил этилди. Ушбу мақсадда каттагина дастурхон ёзилиб, улар муносиб равишда кутиб олинди. 

Ифторликка ташриф буюрганлар учун намозхоналар ташкил этилгани айни муддао бўлди. Аёллар ва эркаклар учун алоҳида-алоҳида намозхоналар борлиги ҳар бир меҳмонга эътибор қаратилганлигидан далолатдир.

Тадбир давомида «Minerva City» жамоасининг асл мақсади хонадон соҳибларини бир-бирлари билан таништириш эди. Уларнинг «Minerva City» оиласининг биринчи бўғини эканлиги ва улар каби оилалар сони ҳали кўп ва хўп бўлишини таъкидлаб ўтилди.

Тадбирда уларга эсдалик совғалари ҳам тақдим этилди. Ҳар бир харидорга маълум миқдордаги ошхона жиҳозлари учун тўлов сертификатлари топширилди.

«Тўғриси ифторлик учун таклиф биз учун кутилмаган бир хабар бўлган эди. Бу ерга келганимиздан кейин ошхона жиҳозлари учун тўлов сертификатлари топширилгани яна бир кутилмаган янгилик бўлди бизга. Тўғриси «Minerva City» уйларидан сотиб олганим, бу оиланинг биринчи бўғинидан ўрин олганимдан хурсандман. Ташкилотчиларга алоҳида миннатдорчилигимни билдираман», — дея ўз ҳайрати ва миннатдорлигини бўлишди соҳибларидан бири.

Тадбирнинг энг асосий қисми бу — «Minerva City» рамзий тортини кесиш маросими бўлди. Бундай завқли ондан ҳеч бир киши четда қолмади. Етти ёшдан етмиш ёшгача ҳамма улкан қизиқиш билан бу жараённи кузатдилар.

Ифторлик давоми эл суйган санъаткорлар ва  ўз касбининг моҳир усталари бўлган ошпазлар меҳмонлар хизматида бўлдилар. 

Хусусан, Баҳриддин Чустий ва қадрдон жамоаси барчага мазали таомлар улашдилар.

Бугунги кунда миллий таомларимизнинг энг моҳир ошпазларидан бири сифатида эътироф этилувчи Баҳриддин Чустий ҳақида эшитмаган инсоннинг ўзи йўқ. «Oshxona.uz» бренди остидаги умумий овқатланиш тармоғи: «Oshxona.uz» (Тошкент, Наманган), Chustiy’s Cuisine, Tez Food кафеларига эгалик қилувчи машҳур ошпаз кўплаб таниқли давлат арбоблари, сиёсатчилар учун ўзбек миллий таомларини тайёрлаб берган, турли халқаро танловларда бир неча марта ғолиб чиққан.

Таъкидлаш жоизки, «Minerva City» қурилишининг биринчи босқичи якунланиш арафасида. Бугунги кунга қадар А секторида ҳар бири 16 қаватли 11 та турар-жой биноси, шунингдек 2 қаватли тижорат ва 3 қаватли офис биноларининг бешта блоклари қурилмоқда. Шунингдек, фойдаланишга тайёр голф майдони ва клуб биноси мавжуд. «E» секторида яна 12 та турар-жой биноси қурилиши бошланди.

Реклама