Очиқ дренаж ва коллекторлар ёпиқ тизимга ўтказилади
Республикада экин майдонларидан ўтган 70 минг километр узунликдаги очиқ дренаж ва коллекторлар бор.
Президентнинг қишлоқ хўжалиги соҳаси ходимлари билан бўлиб ўтган учрашувда уларни босқичма-босқич ёпиқ тизимга ўтказилса, экин экиш учун қўшимча майдонлар очилиши, зовурларни тозалаш харажатлари каррасига тежалиши айтиб ўтилди.
«Бу масала, айниқса, ер танқис бўлган водий вилоятлари учун жуда долзарб.
Шу боис, очиқ дренаж ва коллекторларни ёпиқ тизимга ўтказиш бўйича алоҳида дастур қабул қилиниб, бу мақсадлар учун 100 миллион доллар ажратилиши белгиланди», – деди Президент.
Вилоят ҳокимлари тажрибали тадбиркорлар билан келаси йилнинг ўзида камида 10 минг километр дренажни ёпиқ тизимга ўтказиб, 20 минг гектар қўшимча экин майдони очиш учун масъул бўлади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter