Жорий йил 31 август — 4 сентябр кунлари Вена шаҳрида бўлиб ўтган БМТнинг Коррупцияга қарши конвенцияси имплементациясига бағишланган 17-сессиясида Ўзбекистон делегацияси иштирок этди.

Сессия доирасида Ўзбекистон делегацияси алоҳида маъруза билан иштирок этиб, мамлакатда БМТнинг Коррупцияга қарши конвенциясини амалга ошириш, унинг имплементацияси ҳамда сўнгги йилларда коррупциянинг олдини олиш соҳасида амалга оширилаётган ислоҳотлар ҳақида халқаро ҳамжамиятга маълумот берди.

Хусусан, делегация аъзолари Ўзбекистонда коррупцияга қарши ислоҳотлар ортга қайтмас тус олгани, хусусан, 2025 йил 30 декабрда қабул қилинган Президент ҳужжати билан коррупциянинг олдини олиш ва унга қарши курашиш ишлари янги босқичга кўтарилгани, «Рақамли комплаенс» ахборот-дастурий комплекси ишга туширилгани, давлат органлари, шу жумладан, суд ҳокимияти идораларида коррупцияни олдини олишнинг замонавий механизмлари жорий этилаётгани тўғрисида маълумот берилди.