Санкт-Петербург ва Волгоград номини ўзгартириш таклиф қилинди
Санкт-Петербург.
Россия Давлат думасига Санкт-Петербург шаҳри номини Ленинград, Волгоградни эса Сталинград деб ўзгартириш тўғрисидаги қонун лойиҳаси киритилди.
Қонун лойиҳаси муаллифи, РФКП (КПРФ) фракцияси депутати Анжелика Глазкованинг таъкидлашича, Иккинчи жаҳон уруши даврида «қаҳрамон-шаҳар» унвонини олган барча шаҳарларнинг номларини ўша даврдаги тарихий номларига қонунан қайтариш зарур. У ушбу ташаббусни «тарихий адолатни тиклаш» деб атаган.
Сиёсатчиларнинг бунга муносабати турлича. Масалан, Санкт-Петербург Қонунчилик мажлиси раиси Александр Белский шаҳар номини ўзгартиришга «ҳеч қандай зарурат йўқ» деб ҳисобламоқда. Россия коммунистлар партияси эса бу ғояни тўлиқ қўллаб-қувватлаган.
Маълумот учун: Санкт-Петербург шаҳри 1991 йил июн ойида ўтказилган референдумдан сўнг ўша йилнинг сентябрида ўзининг тарихий номини тиклаганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter