2021 йил 3 декабр куни Тошкентдаги «Малика» савдо маркази ёнида «Нексия» машинаси 14 ёшли болани уриб юборган. Бу ҳақда жабрланувчининг тоғаси маълум қилди.

«Шу йўлда бўлган тез тиббий ёрдам машинаси болани 7-шаҳар клиник шифохонасига олиб борган. Аҳволи оғирлашгач, бола РШТЁМга ўтказилган. Эрталабгача синглим билан куёвимнинг бормаган жойи қолмаган. ИИБ ходимлари касалхонада бола аварияси билан боғлиқ ЙТҲ содир бўлмаганини маълум қилишган. Фақат жиянимнинг сумкасидаги дафтарда ёзилган мактаб рақами ва исм-фамилиясини ҳамширалар телеграм каналларига тарқатибгина, синглимни хабардор қилишган. Эрта тонгдан карахт ҳолатда синглим касалхонага борган ва не кўз билан кўрсинки, жигаргўшаси оғир аҳволда жонлантириш бўлимида ётибди», дею ёзилган постда.

Унинг ёзишича, бундан бир йил аввал опасининг 11 ёшли ўғли шу тариқа ЙТҲ қурбони бўлган. «Қачон 10 соат ўтса ҳамки, тезкорлик билан ЙТҲ ҳақидаги ҳолатга ойдинлик кирита олмайдиган ИИБнинг айрим ходимлари фаолиятини ўнглай оламиз?», дея савол берган пост эгаси.

Эсингизда бўлса, Тошкент шаҳрининг Янгиҳаёт туманида синов тариқасида бўртиб чиққан пиёдалар йўлакчалари ўрнатилганди. Бундай бўртма йўлакчалар Наманган вилоятинининг айрим туманларида ҳам ўрнатилган ва шу кунгача пиёдалар ҳаёти учун яхши натижа бериб келмоқда.

2021 йил 29 ноябрда имзоланган жамоат хавфсизлиги концепциясига оид Президент фармони билан тасдиқланган стратегияга кўра, мактабгача таълим ва умумтаълим муассасаларига ёндош йўлларда тезлик меъёрларини кескин камайтирган ҳолда, ушбу меъёрларни барча жойлар учун ягона этиб қатъий белгиланади.