Тошкентда ташқи рекламаларни жойлаштиришга мораторий эълон қилинди
Тошкент шаҳрида 2021 йил 1 апрелдан 2021 йил 31 декабрига қадар ташқи реклама объектларини (конструкцияларини) жойлаштириш, ўрнатиш, ўзгартириш ва паспортларининг берилишига мораторий эълон қилинди. Бу ҳақда пойтахт ҳокимлиги хабар берди.
Қайд этилишича, бу халқ депутатлари Тошкент шаҳар кенгашининг 2021 йил 27 мартдаги қарорига мувофиқ, Тошкент шаҳрида ўрнатилган ташқи реклама объектларини (конструкцияларини) хатловдан ўтказиб, ягона электрон реестрни шакллантириш мақсадида қилинмоқда.
Таъкидланишича, мораторий ташқи реклама объектларида (конструкцияларида) жойлашган рекламага тааллуқли эмас.
Мораторий амал қилиши давомида янги ўрнатилган ташқи реклама объектлари (конструкциялари) ноқонуний ҳисобланиб, белгиланган тартибда демонтаж қилинади ва уларни ўрнатган шахсларга нисбатан чоралар кўрилади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter