Туман газеталари журналистларига квартиралар берилди
Олмаота вилоятининг марказий ҳудудларидан бири Талдиқўрғонда «Жетicy» ва «Огни Алатоу» туман газеталарининг 100 йиллиги кенг нишонланди. Қутлуғ сана муносабати билан Олмаота вилоят ҳокими Омондиқ Баталов ушбу нашрлардаги журналистларга янги уйларнинг калитларини топширди, деб хабар бермоқда «ЎзА».
Шундай қилиб, ҳар бир нашрдан уч нафардан журналист барча қулайликларга эга бўлган, замонавий услубда қурилган квартираларга эга бўлди. Шунингдек, беш нафар журналист «Ахборот соҳасининг фидойиси» кўкрак нишони билан тақдирланди. Етакчи журналистларга вилоят ҳокими номидан фахрий ёрлиқлар, миннатдорчилик хатлари ва қимматбаҳо совғалар ҳам тақдим этилди.
Хабар қилинишича, Қозоғистонда 28 июнь журналистларнинг касб байрами муносабати билан 200 нафардан кўпроқ соҳа ходимлари тақдирланган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter