Ўзбекистонда туризм соҳасини ривожлантиришда рақамли технологиялар ва инновацион ёндашувлардан фойдаланиш ҳамда халқаро тажриба алмашинуви орқали мамлакатимизда зиёрат туризмини янада ривожлантириш мақсадида Тошкент шаҳридаги Сингапур менежментни ривожлантириш институтида (TSMRI) «Зиёрат туризмининг трансформацияси: анъанавий қадриятлар ва замонавий ечимлар» мавзусида давра суҳбати ташкил этилди.

Тадбирда ўз маърузалари билан иштирок этган TSMRI ректори И.Маматкулов, Ўзбекистон халқаро ислом академияси ректори M.Комилов, Туризмни ривожлантириш илмий-тадқиқот институти директори Е.Голишева ҳамда Ўзбекистон, Туркия, Покистон ва бошқа мамлакатларнинг етакчи экспертлари ва туризм соҳаси вакиллари зиёрат туризмини ривожлантиришда анъанавий қадриятларнинг ўрни ва замонавий тенденциялари, рақамли технологияларнинг зиёрат туризмини ривожлантириш ва оммалаштиришга таъсири, зиёрат туризмини барқарор ривожлантириш соҳасида халқаро ҳамкорлик имкониятларини муҳокама қилдилар.

Давра суҳбатида соҳага рақамли технологияларни жорий этиш, сунъий интеллектдан фойдаланиш, зиёратчилар учун инфратузилмани ривожлантириш масалаларига алоҳида эътибор қаратилди. Зиёратчиларга хизмат кўрсатиш сифатини ошириш, янги сайёҳлик йўналишларини ишлаб чиқиш ва зиёрат туризми соҳасида барқарор ечимларни амалга ошириш каби масалалари бўйича иштирокчиларни қизиқтирган саволларга батафсил маълумотлар берилди. Сайёҳлик хизматларини рақамлаштириш, логистика таъминотини яхшилаш, муқаддас қадамжоларни зиёрат қилиш учун қулай шароитлар яратиш бўйича тавсиялар ишлаб чиқилди.