Андроид қурилмалар учун Xabar.uz мобил иловаси. Юклаб олиш ×

Бир кунда иккинчи антирекорд. Ҳиндистонда COVIDга чалинганлар 5 миллионга яқинлашди

Бир кунда иккинчи антирекорд. Ҳиндистонда COVIDга чалинганлар 5 миллионга яқинлашди

Фото: «AP Photo/Rajanish Kakade»

NDTV телеканалининг хабарига кўра, Ҳиндистонда навбатдаги коронавирус инфекцияси тарқалиши бир кеча-кундузда 94 372 кишининг касалланишига олиб келди. Бунинг оқибатида мамлакатда коронавирус аниқланганлар сони жами 4 754 356 нафарга етди.

Ҳиндистон соғлиқни сақлаш вазирлигининг маълум қилишича, ҳалок бўлганлар сони 78 586 кишига етган, ўтган 24 соат ичида 1 114 бемор ҳаётдан кўз юмган.

Шунга қарамай, 37 02 595 нафар ҳиндистонлик янги типдаги инфекциядан халос бўлган.

Махараштра пандемиядан энг кўп зарар кўрган штат бўлиб қолмоқда. Ундан кейин мамлакатнинг учта жанубий ҳудуди ўрин олган: Андхра-Прадеш, Тамилнад ва Карнатака.

Хопкинс университети маълумотларига кўра, Ҳиндистон COVID-19 билан касалланиш кўрсаткичи бўйича дунёда иккинчи ўринда турибди. Америка Қўшма Штатлари бу борада етакчи бўлиб қолмоқда.

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг