Бир ташкилот ходимида коронавирус аниқланса, қолганлар карантинга олинадими?
АОКАда Коронавирусга қарши кураш штаби аъзоси Севара Убайдуллаева иштирокида брифинг ўтказилди.
Унда мутахассис «Бир ташкилотда кимдадир коронавирус аниқланса, у билан мулоқотда бўлганларнинг барчаси карантинга олинадими?» саволига жавоб берди.
«Кўпчилик ишлайдиган ташкилотда битта шахсда ПЗР-тест натижаси ижобий бўлса, у билан мулоқотда бўлганларнинг барчаси шифокор назоратига олинади.
Бундай ҳолатда мулоқотда бўлганларнинг барчаси уйда алоҳидаланиши ва ПЗР-тест топшириши талаб этилади. Тест натижаси ижобий чиққан шахслар шифокор назоратида белгиланган стандартлар асосида даволанади.
Тест натижаси манфий чиққанлар эса шифокор назоратида 10-14 кун давомида уйда алоҳидаланиб карантинда бўлишади ва 7 кундан сўнг қайта ПЗР-тест топширишади. Қайта текширув натижаси ҳам манфий бўлганда, бу шахс карантиндан чиқарилади ва одатий иш фаолиятига қайтади».
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter