ССВ матбуот хизматининг хабар беришича, 23 март ҳолатига кўра Ўзбекистонда коронавирус инфекцияси қайд этилганлар сони 81678 (+119) нафарни ташкил этмоқда.

Янги касалланиш ҳолатларининг:
1 нафари Қорақалпоғистон Республикасида,
1 нафари Андижон вилоятида,
4 нафари Бухоро вилоятида,
1 нафари Жиззах вилоятида,
2 нафари Наманган вилоятида,
1 нафари Самарқанд вилоятида,
2 нафари Фарғона вилоятида,
1 нафари Хоразм вилоятида,
13 нафари Тошкент вилоятида,
93 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Шунингдек, 1 нафар коронавирусга чалинган бемор вафот этиб, касалликдан вафот этганлар сони 623 нафарга етди.

ССВ статистикасида коронавирусга чалинган бемор вафот этгани ҳақидаги маълумот сўнгги марта бир ой муқаддам — 10 февралда берилган. Ўшанда касалликдан вафот этганлар сони 622 нафарга етгани қайд этилган.

Таъкидлаш керакки, 16 март куни Санитария-эпидемиологик осойишталик ва жамоат саломатлиги маркази Тошкент шаҳар бошқармаси бошлиғи Малика Қудратхўжаева коронавирусдан ўлим ҳолати кузатилганини айтганди.

Даволанаётган 1010 нафар бемордан 191 нафари оғир, 85 нафари эса ўта оғир аҳволда.